Aizawl Civil Hospital Eye Bank, Govt. Hrangbana College Medical Cell leh RUSA tangho te buatsaihin mitdelte khaw hmuh leh theihna tura mitmu thawh pawimawh zia inhrilhhriatna nei

Aizawl Civil Hospital Eye Bank, Govt. Hrangbana College Medical Cell leh RUSA tangho te buatsaihin mitdelte khaw hmuh leh theihna tura mitmu thawh pawimawh zia inhrilhhriatna nei By 7 views
Aizawl Civil Hospital Eye Bank, Govt. Hrangbana College Medical Cell leh RUSA tangho te buatsaihin nimin khan Govt. Hrangbana College Golden Hall-ah mitdelte khaw hmuh leh theihna tura mitmu thawh pawimawh zia inhrilhhriatna neih a ni. He , Eye Donation Awareness Campaign-ah hian Civil Hospital Eye Bank-a Dr. Lalhmingmawii chuan mitdelten khua an hmuh leh theihna turin miin an thih hnua an mit an pek theih dan a sawifiah a, hemi bakah hian Eye Bank-a Councillor, Grace Saihlupuii Sailo leh Mimi Zodinthari te chuan a lem nena entirin miin an thih hnua midang tana mit an pek theih dan an sawifiah a, miin an thih hnua an mitmu midangte tana an pek dawnin a thih atanga darkar 6 chhungin an mit chu lak ngei ngei tur a ni a, midang tana mit thawhtu hmel pawh a hem lo thei ang bera siam a ni thin niin an sawi a ni. Hetianga beihpuithlak hi Durtlanga Synod Hospital-ah vawiinah neih leh a ni a, tun thla ni 23-ah pawh neih leh a ni ang. He beihpuithlak hi Govt.Hrangbana College-a thawk Professor, Lalsangliani’n a kaihruai a ni.