Radiation Oncologists Association of India, North East Chapter Annual Conference vawi 12-na hmang

Monday, October 30 2017

Radiation Oncologists Association of India, North East Chapter Annual Conference vawi 12-na hmang

Radiation Oncologists Association of India, North East Chapter Annual Conference vawi 12-na chu vawiin khan Zarkawt-a Hotel Regency Conference Hall-ah hman a ni a, Health Minister Pu Lal Thanzara’n hmanpuiin, Mizoramah cancer natna vei an tam thu leh, he intawh khawm hi Cancer dona kawnga hma lakna a nih pah avangin Mizoramin a \angkaipui a beisei thu a sawi.


Pu Lal Thanzara chuan, kum 2010-a din, Mizoram State Cancer Institute chu Health & Family Welfare Ministry puihnaa khum 100 awm theihna tur, Comprehensive Cancer Care Centre-a hlang kai tura \an lak mek a ni tih sawiin, Cancer enkawlna khawl thar, Linear Accelerator leh CT Scanner bakah khawl dang pawh lei tum mek niin a sawi bawk. Ni 2 chhung awh tur he Annual Conference vawi 12-na hi nimin khan \an a ni a, Mizoram State Cancer Institute-in a thleng a. Vawiina a kharna inkhawmah hian AROI-NE Chapter President, Dr. NK. Kalita, Hospital and Medical Education Director, Dr. T. Lalhmangaihi leh Mizoram State Cancer Institute Director, Dr. Zoramthanga pawhin thu an sawi a ni.