Tuialhthei man sang zel leh pawisa hlutna tlahniam zel vanga sorkar laka an lungawi lohna lantirin eptu party te’n ram chhung hmun hrang hrangah vawiin khan Bharat Bandh an huaihawt.

Tuialhthei man sang zel leh pawisa hlutna tlahniam zel vanga sorkar laka an lungawi lohna lantirin eptu party te’n ram chhung hmun hrang hrangah vawiin khan Bharat Bandh an huaihawt. By views
Bharat Bandh-ah hian PM hlui Manmohan Singh chuan PM Narendra Modi-a kaihhruai sorkarin ram tana thil \ha lo tam tak a ti a, kawng hrang hrangah BJP kaihhruai sorkar-in a theih chin bak a thleng tawh a ni a ti a, loneitute lakah phei chuan sorkar laipui chu a hlawhchham chiang hle nia sawiin, ram inpumkhatna leh muanna vawnhim tumin eptu party-te an \angrual ta niin a sawi bawk.
Bharat Bandh hi state hrang hrang-ah huaihawt a ni a, Delhi khawpui-ah chuan Congress President Rahul Gandhi-a’n a ho a, Prime Minister Modi chu a thutiam hlen zo lo-ah a puh a, ram sum dinhmun bakah loneitute leh hmeichhia-te hmakhua a thim hle niin a sawi.
Puan tawh angin tunhnaiah tuialhthei man hi a sang chak hle a, rampuma a to berna hmun, Maharashtra-ah chuan petrol litre khat cheng 89.97 a kai tawh a, diesel man pawh cheng 77.92 a kai tawh bawk a ni. Maharashtra-ah chuan Bharat Bandh hi Nationalist Congress Party bakah, Bahujan Samaj Party leh Samajwadi Party leh Maharashtra Navnirman Sena party-te chuan an thlawp a, sorkar laipui bakah state CM Devendra Fadnavis-a kaihhruai sorkar laka an lungawilohna te an au pui a, Modi leh Fadnavis-te hian tuialhthei man tisangin mipui rawk an tum niin an sawi.
Congress hruaitu, Sushil Kumar Shinde leh Rajiv Satav-te chuan sorkar laipuiin tuialhthei a hralhna a\anga chhiah a khawn chhuah tawh zat hi cheng tld 1100 a chuang tawh niin an sawi a, ram 12 laiin India a\angin man tlawm zawkin tuialhthei hi an leichhawng \hin niin an sawi bawk a ni.
Rajashthan CM Vasundhara Raje chuan petrol leh diesel a\anga chhiah lak \hin Value-Added Tax tihhniam atum thu a sawi ve thung a, Petrol-a VAT lak mek, za zela 30 chu za zela 26-a tihhniam a nih bakah, diesel a\anga VAT lak pawh za zela 22 a\angin za zelah 18-a tihhniam a nih thu a sawi bawk a, a thutlukna hian sorkar sum vbc 2000 vel a ei hek tur thu leh mipuite tan petrol leh diesel man litre khat zelah cheng 2.50-a a tihhniam tur thu a sawi bawk a ni.
BJP lam erawh chuan Bandh hi Congress leh a \huihruai party-te’n thu dik tawk lo hmanga mipui tihchiai an tumna a ni an ti ve thung a, Union MInister Mukhtar Abbas Naqvi chuan tunhma a\ang zawkin Congress chu tuialhthei man tih san chungchanga dik lo taka thil ti \hin ah a puh a ni.
Bharat Bandh huaihawtna state-ah khawsakphung pangngai a khaihlak nual a, hmun \henkhatah tharum thawhna a thleng bawk.
Gujarat-ah chuan bandh huaihawtute hian motor ke an hal bakah bus tlan tur an tiding hlawm a, traffic a jam nasat avangin khawsakphung pawh a nghawng nual a, Madhya Pradesh-ah pawh petrol pump \henkhat suasam a ni bawk a, Odisha leh Patna-ah te rel tlan tur tihdin a nih bakah, Bihar-ah pawh lirthei eng emaw zat suasam a ni. East Coast Railway Zone lam chuan Bhubaneshwar a\anga chhuak tur rel 12 vel chu \hulh tir a ni tih an sawi bawk a, Mumbai khawpui-ah pawh Congress hnathawkte’n rel an dang ve bawk a, Mumbai khawpui-ah chuan sumdawnna hmun \henkhat inkhartir an ni bawk a ni. Karnataka leh Telangana-ah pawh bandh huaihawttute’n bus eng emaw zat an dan avangin khawsakphung a buai a, Bihar hmun \henkhatah chuan Janata Dal hnathawkte’n tuialhthei man sang zel-in phurrit a siam sak zia lantir tumin an bike pu chungin kawng an zawh a ni.
Bihar-a Bharat Bandh huaihawt vangin traffic jam-a tang ambulance pakhata chuang nausen kum 2 mi a thi niin Union Minister Ravi Shankar Prasad-a’n a sawi.
He thil thelnna, Jehanabad-a thuneitu \henkhat erawh chuan hei hi thuthang niin an sawi a, nausen chhungte hian an in an chhuahsan tlai vanga thi a nih zawk thu leh traffic jam vanga thi a nih loh thu an sawi a ni.